Uffiċjali tal-Kuwajt qalu li l-pajjiż tal-Golf jinsab f’taħditiet mal-Unjoni Ewropea dwar li ċittadini mill-Kuwajt jitħallew jidħlu fil-pajjiż mingħajr viża stati Schengen biex jivvjaġġaw fl-Ewropa.
Il-Viċi Ministru tal-Affarijiet Barranin tal-Kuwajt Khaled al-Jarallah jgħid li l-pajjiż qed ikompli t-taħditiet mal-Unjoni Ewropea fi sforz biex jeżenta liċ-ċittadini tiegħu mill- viżi obbligatorji għall-pajjiżi Schengen.
Skont hu, din il-kwistjoni ġiet diskussa mal-UE waqt laqgħa mal-uffiċjali tal-gvern tal-Kuwajt u r-Rappreżentant Għoli tal-UE għall-Politika Barranija u ta’ Sigurtà, Federica Mogherini, waqt iż-żjara riċenti ta’ din tal-aħħar fil-Kuwajt.
Is-suġġett tal-liberalizzazzjoni tal-viża huwa dejjem is-suġġett ewlieni diskuss fil-laqgħat mal-uffiċjali tal-UE, skont Khaled al-Jarallah, u żied li l-Kuwajt se jkompli bl-isforzi tiegħu biex jikseb dan permezz ta’ pressjoni u azzjoni pożittiva.
Viża Schengen tippermetti lid-detentur jivvjaġġa lejn 26 pajjiż Schengen, li 22 minnhom huma parti mill-UE. Hemm madwar id-dinja 62 nazzjonalità li jistgħu jivvjaġġaw mingħajr viża lill-pajjiżi Schengen u hemm pajjiż Għarbi wieħed biss bejniethom: l-Emirati Għarab Magħquda. Il-Baħrejn irid ukoll jipprova jilħaq ftehim mal-UE dwar l-ivvjaġġar mingħajr viża.
Fl-2018, 174.765 ċittadin tal-Kuwajt applikaw għal viża Schengen, 164.742 minn dawn l-applikazzjonijiet ingħataw.
Sors: www.kuna.net.kw